سايلاۋ ناتيجەسىندە جانىبەك اۋداندىق ءماسليحاتىنا (№10 بورسى سايلاۋ وكرۋگى) قۋاناليەۆ ءبىرجان قايىرعالي ۇلى, زەلەنوۆ اۋداندىق ءماسليحاتىنا (№11 ماكاروۆ سايلاۋ وكرۋگى) تولەپقاليەۆ تىلەكباي قاجىمۇرات ۇلى, كازتالوۆ اۋداندىق ءماسليحاتىنا (№13 قاراسۋ سايلاۋ وكرۋگى) بەكمولدين ەربولات مۇراتقالي ۇلى, شىڭعىرلاۋ اۋداندىق ءماسليحاتىنا (№6 قىزىلكول سايلاۋ وكرۋگى) قامزاەۆا اقمارال سيراجقىزى دەپۋتات بولىپ تانىلدى. جالپى سايلاۋ بارىسىندا ۇمىتكەرلەر سانى 12 بولعان, ولاردىڭ 4-ءۋىن ساياسي پارتيالار ۇسىنسا, 8-ءى ءوزىن-ءوزى ۇسىنعاندار ەكەن.
- بارلىق دەڭگەيدەگى سايلاۋ كوميسسيالارىنىڭ جۇمىسى بەكىتىلگەن كۇنتىزبەلىك جوسپارعا ساي جۇرگىزىلدى, - دەپ اتاپ ءوتتى ۆياچەسلاۆ ينوچكين.
ۆ.ينوچكيننىڭ ايتۋىنا قاراعاندا داۋىس بەرۋگە سايلاۋشىلاردىڭ 90,30%-ى قاتىسقان. سايلانعان 4 دەپۋتاتتىڭ ورتا جاسى - 47. سايلاۋ كوميسسيالارىنا ارىز-شاعىم تۇسپەگەن.
قازبەك قۇتتىمۇرات ۇلى,
«ەگەمەن قازاقستان»
ورال
